جبنيانة:عناصر نهضوية بمباركة تجمعية تتسبب في تلقيف التهم لمغني الراب رشدي الوحيشي

رشدي وحشي فنان الراب المعروف بإسم "ولد الخضرا التونسي" أصيل منطقة جبنيانة و من مواليد 1988، حكم عليه 9 شهر لتخريب مركز شرطة، وجوه معروفة من النهضة هي اللي قاعدة تحرك في الدعاوي ضد أولاد الجهة لضرب نسيج المقاومة و كل نفس ثوري. رشدي تشد قبل في أحداث أوت الفارط، في دفاعو على مدينة جبنيانة على اثر المواجهات مع العصابات اللي كانت تخرب و بثت الرعب في صفوف الأهالي،إقتحم البوليس دارهم و إعتدى على عائلتو ( المتكونة من 4 بنات ) بما فيها أختو الحامل، و عبثوا بمحتويات المنزل، و تعرض لتعذيب و تسيب من بعد. خوه تلقى رصاصة في ساقيه من عند الجيش.
المحضر وصل لدارهم البارح، 24 مارس، و فيه الإعلام بمدة المحكومية، 9 أشهر، و قالولو رانا بعثنالك 4 إستدعاءت قبل للمركز، أما المركز تعمد باش ما يوصل شي لدارهم. ما بعثوش كان لرشدي كهو، لخوه زادا، رياض الوحيشي، و التهمة كيف ما جات في المحضر: إعتداء على عون أمن، تخريب محتويات المركز و محاولة حرقه. 

الناشط:nash beeth nash